Sunday, 8 October 2017

സ്ത്രീധനം സീരിയലിലെ മത്തി സുകുവിന്റെ ഭാര്യ ശാന്ത ഇപ്പോൾ തട്ടുകടയിൽ; വീഡിയോ വൈറല്‍ ആകുന്നു !

മിനിസ്‌ക്രീനിലെത്തി നമ്മളെ ചിരിപ്പിക്കുന്ന പല താരങ്ങളുടെയും യഥാര്‍ത്ഥ ജീവിതം ആരും തിരിച്ചറിഞ്ഞിട്ടുണ്ടാവില്ല. എന്നാല്‍ കഴിഞ്ഞ ദിവസം മുതല്‍ ഒരു കലാകാരിയുടെ കഷ്ടപാടുകള്‍ സോഷ്യല്‍ മീഡിയയിലൂടെ വൈറലായി മാറിയിരിക്കുകയാണ്. ഏഷ്യാനെറ്റിലെ സ്ത്രീധനം എന്ന സീരിയലിലൂടെ ശ്രദ്ധിക്കപ്പെട്ട കവിത ലക്ഷ്മിയുടെ വീഡിയോ ആണ് വൈറലായി മാറിയിരിക്കുന്നത്.
മകന് വേണ്ടി രാത്രിയില്‍ തട്ട് ദോശ ഉണ്ടാക്കി വില്‍ക്കുന്ന കവിതയുടെ വീഡിയോയാണ് പുറത്ത് വന്നിരിക്കുന്നത്. കുറച്ച് ദിവസങ്ങള്‍ മാത്രമെ ആയിട്ടുള്ളു കവിത തട്ടുകട തുടങ്ങിയിട്ട്. ഗ്ലാമര്‍ ലോകത്ത് ചുവട് വെച്ചിട്ടുണ്ടെങ്കിലും അതിലും വലിയ ബാധ്യതകളാണ് കവിതയ്ക്ക് പിന്നിലുള്ളത്.
കവിത ലക്ഷ്മി എന്ന പേര് കേട്ടാല്‍ ആരും ഈ നടിയെ തിരിച്ചറിയാന്‍ പോവുന്നില്ല. എന്നാല്‍ ഏഷ്യാനെറ്റിലെ സ്ത്രീധനം എന്ന സീരിയലിലെ മത്തി സുകുവിന്റെ ഭാര്യ ശാന്തയെ എല്ലാവര്‍ക്കും നല്ല പരിചയമുണ്ടാവും.
ജീവിതത്തില്‍ പ്രതിസന്ധികള്‍ കടുത്ത് വന്നപ്പോഴായിരുന്നു കവിത തട്ടുകടയുമായി രംഗത്തെത്തിയത്. നടി ദോശ ചുടുന്ന ദൃശ്യങ്ങടങ്ങിയ വീഡിയോ വൈറലായി മാറിയിരിക്കുകയാണ്.

ആറ് ഏഴ് ദിവസങ്ങളായിട്ടെയുള്ളു കവിത തട്ടുകട തുടങ്ങിയിട്ട്. വിദേശത്ത് പഠിക്കുന്ന മകന് ഫീസ് അടയ്ക്കുന്നതിന് വേണ്ടിയാണ് തട്ടുകട എന്ന ആശയത്തിലേക്ക് നടി എത്തിയത്. മകന്റെ പഠനത്തിന് വേണ്ടി ബാങ്കുകള്‍ കേറി ഇറങ്ങേണ്ടി വന്ന ദുരവസ്ഥയും നടി തുറന്ന് പറയുന്നുണ്ട്.
കെ കെ രാജീവിന്റെ അയലത്തെ സുന്ദരി എന്ന സീരിയലിലാണ് കവിത അഭിനയിച്ച് കൊണ്ടിരിക്കുന്നത്. ഷൂട്ടിന് പോയി നേരത്തെ വന്ന് തട്ടുകട തുടങ്ങും. അതെക്കെ അങ്ങനെ നടക്കുമെന്നാണ് കവിത പറയുന്നത്.
വിദേശത്ത് പഠിക്കാന്‍ പോയ മകന് ലോണിന് ശ്രമിച്ചിരുന്നെങ്കിലും ബാങ്ക് കൈമലര്‍ത്തിയിരുന്നു. ബാങ്ക് കാര്യങ്ങളെല്ലാം നന്നായി പോവുന്നുണ്ടെങ്കിലും വസ്തു ഇല്ലാത്തതിന്റെ പേരില്‍ ലോണ്‍ കിട്ടാതെ പോവുകയായിരുന്നു.

No comments:

Post a Comment