Sunday, 5 November 2017

വീട്ടമ്മമാരെ ഉറക്കഗുളിക നൽകി മയക്കും; പിന്നെ നടക്കുന്നത് അറഫാസ് ‘ഓപ്പറേഷൻ’…


വീട്ടമ്മമാരെ ഉറക്കഗുളിക നൽകി മയക്കിയ ശേഷം മോഷണം നടത്തുന്ന യുവാവിനെ പോലീസ് പിടികൂടി. നിരവധി മോഷണക്കേസുകളിൽ പ്രതിയായ തളങ്കരയിലെ മുഹമ്മദ് അറഫാസി(22)നെ കാസർകോട് പോലീസ് അറസ്റ്റ് ചെയ്തു . കാസർകോട്ടെ ക്വാർട്ടേഴ്സ് ഉടമയായ വീട്ടമ്മയെ ഉറക്കഗുളിക നൽകി കൊള്ളയടിക്കാൻ പദ്ധതിയിടുന്നതിനിടെയാണ് അറഫാസ് പോലിസിന്റെ പിടിയിലായത്.

തന്ത്രപരമായ നീക്കത്തിലൂടെയാണ് കാസർകോട് പോലീസ് ഫ്രീക്കനായ മോഷ്ടാവിനെ അറസ്റ്റ് ചെയ്തത്. രഹസ്യവിവരത്തിന്റെ അടിസ്ഥാനത്തിൽ അറഫാസിന്റെ ക്വാർട്ടേഴ്സിൽ പരിശോധന നടത്തിയ പോലീസ് നിരവധി ഉറക്കഗുളികൾ കണ്ടെടുത്തു. കോളിയടുക്കത്തെ ക്വാർട്ടേഴ്സ് ഉടമയായ വീട്ടമ്മയെയും, സമീപത്തെ രണ്ട് വീടുകളിലെ സ്ത്രീകളെയും ഉറക്കഗുളിക നൽകി കൊള്ളയടിക്കാൻ പദ്ധതി തയ്യാറാക്കുന്നതിനിടെയാണ് അറഫാസ് പോലീസിന്റെ പിടിയിലായത്. ക്വാർട്ടേഴ്സ് ഉടമയുടെ മുൻ ഭർത്താവിലുള്ള മകന്റെ സഹായത്തോടെയാണ് അറഫാസ് പദ്ധതി തയ്യാറാക്കിയിരുന്നത്. ബദിയടുക്കയിലെ വീട്ടിൽ നിന്ന് 35000 രൂപ കവർന്ന കേസിലും, കാഞ്ഞങ്ങാട്, പാണ്ടിക്കാട് എന്നിവിടങ്ങളിൽ നിന്ന് ബൈക്ക് മോഷ്ടിച്ച കേസിലും അറഫാസ് പ്രതിയാണ്.

പൊയിനാച്ചിയിൽ ഓട്ടം വിളിച്ച് കൊണ്ടുപോയി ഓട്ടോ ഡ്രൈവറെ കൊള്ളയടിച്ച കേസിലും, നെല്ലിക്കട്ടയിലെ ടൂറിസ്റ്റ് ബസിൽ നിന്ന് എൽഇഡി ടിവി മോഷ്ടിച്ച കേസിലും അറഫാസാണ് പ്രതി. അറഫാസ് നേരത്തെ മോഷ്ടിച്ച എൽഇഡി ടിവിയും, ആക്രികടയിൽ വിറ്റ ബൈക്കിന്റെ എൻജിനും പോലീസ് കണ്ടെടുത്തു. അറഫാസിന്റെ കൈവശമുണ്ടായിരുന്ന നാലു മൊബൈൽ ഫോണുകളും പോലീസ് കസ്റ്റഡിയിലെടുത്തിട്ടുണ്ട്.

No comments:

Post a Comment